ELVIS Բար-Սրճարան

Elvis Լաունջ-Բար

JOSE համալիրի հաջորդ սրահը ELVIS լաունջ-բարն է՝ յուրօրինակ դիզայներական լուծումներով, ժամանակակից ու հագեցած ինտերիերով: Առանձնակի ուշադրության է արժանի բացառիկ մենյուն ու ընդմիջման ժամերի համար նախատեսված հատուկ առաջարկները, ինչի շնորհիվ էլ այստեղ հյուրընկալվում են ամենատարբեր սոցիալական խմբերի ներկայացուցիչներ, չնայած այն հանգամանքին, որ JOSE-ն ասոցացվում է որպես ապահով խավի համար նախատեսված միջավայր: Վստահաբար կարելի է արձանագրել, որ երևանցիների առնվազն 75-80%-ը ոչ միայն գիտե JOSE-ի մասին որպես լավագույն ժամանցի վայր, այլև կարող է առանց դժվարության նկարագրել գտնվելու տեղն ու հասցեն: Իսկ քաղաքի հենց կենտրոնում տեղակայված լինելու հանգամանքը նպաստում է, որպեսզի նաև զբոսաշրջիկները առանց դժվարության գտնեն ու այցելեն մեզ:

Մենյուի բազմազանությունն ու սրահի ընդարձակությունը առավելություն է ստեղծում, որպեսզի ցանկացած այցելու իր՝ ցանկացած կարգի հանդիպում պլանավորի հենց մեզ մոտ: Անկախ նրանից՝ հաճախորդը կուշտ սնվելու տրամադրություն ունի, թե պարզապես ընկերներին նարգիլե հյուրասիրելու, նա վստահ է, որ իր բոլոր սպասելիքներն իրականանալու են երաշխավորված կարգով: Թվարկած առավելությունները նպաստում են նաև առավել դինամիկ մարքեթինգային քայլերի մշակմանն ու իրականացմանը: Այստեղ շատ հեշտ է կայացնել մասշտաբային ակցիաներ, ֆուրշետներ, հատուկ առաջարկներ, հյուրասիրություններ և անգամ նորաձևության ցուցադրություններ: Իսկ 2014-ի նորամուծությունն էր մեգափարթիների կազմակերպումը, որի նպատակն էր մշտական հաճախորդներին շաբաթական մեկ-երկու օր հավաքել մեկ հարկի տակ՝ խթանելով առավել ջերմ ու բարյացակամ տրամադրվածություն JOSE համալիրի հանդեպ: Կարճ ասած՝ ELVIS սրահի հնարավորությունները բազմազան են, ու գրեթե անսահմանափակ:

Գտեք մեզ